ອິນເດຍ ເປີດຕົວລົດຕັງເບົາ Zorawar
ລົດຕັງເບົາ Zorawar
ກອງທັບບົກອິນເດຍ ມີຄວາມຕັ້ງໃຈຈະວາງກຳລັງລົດຕັງເບົາ Zorawar ໃນພູມີພາກລາດັກ ທີ່ເປັນພູມສັນຖານພູສູງໃນລະດັບຄວາມສູງສະ
ເລ່ຍຫຼາຍກວ່າ 5.000 ແມັດ ເໝືອລະດັບນ້ຳທະເລ ແລະ ເໜືອພູມີປະເທດ. ດັ່ງນັ້ນຈຶ່ງມີຄວາມຈຳເປັນໃນການໃຊ້ລົດຕີນເຫຼັກທີ່ມີຄວາມແຮງກົດ
ຕ່ຳ. ອີງຕາມຂໍ້ມູນຈາກອົງການວິໄຈ ແລະ ພັດທະນາປ້ອງກັນປະເທດອິນເດຍ (DRDO) ໃຫ້ຮູ້ວ່າ: ລົດຕັງເບົາ Zorawar ມີນ້ຳໜັກປະມານ 25
ໂຕນ, ຕິດຕັ້ງລະບົບຂັບເຄື່ອນ ດ້ວຍເຄື່ອງຈັກກາຊວນ Cummins 750/1000hp ທີ່ໃຫ້ອັດຕາສ່ວນກຳລັງຂັບຕໍ່ນ້ຳໜັກທີ່ຕໍ່່າກວ່າ 40 hptonne.
ການເຄື່ອນໄຫວທີ່ມີຄວາມຄ່ອງຕົວວ່ອງໄວຂອງລົດຕັງເບົາ Zorawar ເມື່ອທຽບກັບລົດຕັງ T-90 Bhishma ຫຼື ລົດຕັງ T-72 Ajeya ຂອງກອງ
ທັບບົກອິນເດຍ ທີ່ມີນໍ້າໜັກລົດປະມານ 50-60 ໂຕນ ແລະ ໃນປັດຈຸບັນໄດ້ຖືກວາງກຳລັງໃນລາດັກແລ້ວ, ໂດຍບໍລິສັດ L&T ໄດ້ຮັບຄຳສັ່ງຊອກຊື້
ຈາກ ກະຊວງປ້ອງກັນປະເທດອິນເດຍ ສຳລັບການຜະລິດລົດຕັງ Zorawar ໄລຍະທຳອິດຈຳນວນ 59 ຄັນໃຫ້ກັບກອງທັບບົກອິນເດຍແລ້ວ. ລົດຕັງ
ເບົາ Zorawar ມີກຳລັງພົນປະຈຳລົດ 3 ຄົນ, ຕິດຕັ້ງປ້ອມປືນໃຫຍ່ລຸ້ນ Cockerill-3105 ຂະໜາດ 105 ມມ, ສາມາດຍິງອາວຸດປ່ອຍນຳວິຖີຕໍ່ສູ້
ລົດຕັງລຸ້ນທີ 3 ໄດ້, ພ້ອມປືນກົນຮ່ວມແກນຂະໜາດ 7,62 ມມ ແລະ ປ້ອມປືນຣີໂໝດຂອງບໍລິສັດ BEL ຂອງອິນເດຍ ເຊິ່ງຕິດປືນກົນໜັກ NSV
ຂະໜາດ 12,7 ມມ ຢູ່ດ້ານເທິງຂອງປ້ອມປືນໃຫຍ່ລົດຕັງ.
ລົດຕັງເບົາ Zorawar ຈະຕິດຕັ້ງດ້ວຍລະບົບປ້ອງກັນທາງບຸກ APS, ເກາະປະຕິກິລິຍາແຮງລະເບີດ ERA, ລະບົບມາດຕະການຕໍ່ຕ້ານເອເລັກ
ໂຕຼນິກທາງບຸກແລະທາງຮັບ, ລະບົບແຈ້ງເຕືອນອາວຸດປ່ອຍນຳວິຖີ, ລະບົບປ້ອງກັນນິວເຄລຍ, ຊີວະ, ເຄມີ, ກ້ອງກາງເວັນ ແລະ ກາງຄືນ 360 ອົງສາ,
ລະບົບອຳນວຍການສະໜາມຮົບ ແລະ ລະບົບນຳທາງໄຮບຣິດ.
ແຫຼ່ງທີ່ມາ: ໜັງສືພິມກອງທັບ
ວັນທີ 11/07/2024